30 лiстапада 2021, aўторак, 8:11
Сім сім, Хартыя 97!
Рубрыкі

Як дыяспары могуць дапамагчы страйку ў Беларусі

Як дыяспары могуць дапамагчы страйку ў Беларусі

Нельга марудзіць.

Прайшло ўжо больш за год, як мы спадзяемся і верым у нашу агульную перамогу. Адразу мы верылі, што нам дапамогуць нядзельныя маршы, але з кожным з іх колькасць актывістаў за мяжой толькі ўзрастала. Каму як ні вам, дыяспарам, пра гэта ведаць. Гэта быў цяжкі перыяд для ўсіх нас, піша Telegram-канал «Беларускае аб'яднанне рабочых» (БАР).

Але ўсе разам вы паспелі дабіцца немалых поспехаў, паказаўшы сваю зладжаную працу ў сусветным парадку дня. Кожны дзень менавіта вы нагадваеце лідарам розных краін аб тым, што адбываецца ўнутры Беларусі, пераконваючы іх у неабходнасці санкцый. Кожны дзень менавіта вы выходзіце на пікеты і акцыі ля амбасадаў, патрабуючы вызвалення палітвязняў. Сёння ў вашай падтрымцы маюць патрэбу беларускія працоўныя.

25 кастрычніка мы, Беларускае аб'яднанне рабочых, абвясцілі аб пачатку агульнанацыянальнай забастоўкі з 1 лістапада. Як вы можаце падтрымаць працоўны рух?

Прадаўжайце выходзіць з акцыямі падтрымкі тых, хто змагаецца за нашу свабоду.

Для іх гэта сапраўды важна. Яны бачаць вас, чуюць, бо вы - іх голас.

За гэты перыяд кожная дыяспара напрацавала нямала сувязей з мясцовымі органамі ўлады. Вы цудоўна ведаеце, з якімі беларускімі кампаніямі яны супрацоўнічаюць. А калі не, іх спіс ёсць на сайце belarus2020info. Звярніцеся да ўладаў, запатрабуйце спынення супрацоўніцтва з праўладным бізнэсам.

Вы таксама задавалі нам мноства пытанняў пра страйк, які рыхтуецца. Усім нам важна ўлічваць, што кожны дзень прамаруджвання - гэта сотні загінулых ад каранавіруса. Кожны дзень прамаруджвання - гэта новыя суды і арышты. Да таго ж, на беларускіх прадпрыемствах паводле нашых звестак ужо вялікая колькасць людзей на лістках непрацаздольнасці, а таму гэта самы лепшы момант, каб пакінуць як мага большую колькасць людзей дома.

Мы можам колькі заўгодна чакаць трыгераў, але такімі не сталі забойствы Аляксандра Тарайкоўскага, Рамана Бандарэнкі, Вітольда Ашурка, Віталя Шышова і многіх іншых. Не стала трыгерам і пасадка самалёта RaianAir з наступным затрыманнем Рамана Пратасевіча. А колькі яшчэ невядомых ахвяраў з'яўляецца кожны дзень ад страху і бяздзейнасці?

Беларусы, самы час узгадаць нашу салідарнасць.

Самы час узгадаць, як гэта «людзьмі звацца».

Падпісвайцеся на Тelegram-канал БАР - Беларускае аб'яднанне рабочых.