27 лiстапада 2021, Субота, 7:56
Сім сім, Хартыя 97!
Рубрыкі

Сустаршыня нямецкіх «зялёных»: Трэба ўзмацніць санкцыі супраць Лукашэнкі

Сустаршыня нямецкіх «зялёных»: Трэба ўзмацніць санкцыі супраць Лукашэнкі

Беларускі ўзурпатар выкарыстоўвае людзей для вядзення гібрыднай вайны.

На думку аднаго з лідараў нямецкай партыі «Саюз-90»/«зялёныя» Роберта Хабека, неабходна размяркоўваць нелегальных мігрантаў, што прыбываюць з тэрыторыі Беларусі, па ўсёй тэрыторыі Еўразвязу, паведамляе naviny.online.

Палітык уважае, што аб'яднаная Еўропа павінна падтрымаць ва ўрэгуляванні гэтага крызісу ўрад Польшчы нягледзячы на тое, што Варшава дагэтуль адмаўлялася прымаць мігрантаў, што ўязджаюць з боку Беларусі.

Як заявіў палітык у інтэрв'ю Frankfurter Sonntagszeitung, Захад павінен зрабіць больш жорсткімі санкцыі ў дачыненні да рэжыму Лукашэнкі, якога ЕЗ абвінавачвае ў «гібрыднай вайне» з выкарыстаннем мігрантаў з Ірака, Сірыі і Афганістана.

«Лукашэнка выкарыстоўвае людзей для вядзення гібрыднай вайны», - сказаў ён. Хабек уважае, што мэтай Менска з'яўляецца прымус ЕЗ да змякчэння санкцый, але еўрапейцам «не варта паддавацца на падобны шантаж».

Між іншым, неабходна прыняць меры для забароны авіярэйсаў у Менск, на якіх у Беларусь прыбываюць мігранты з блізкаўсходніх краін, адзначыў прадстаўнік «зялёных».

Падчас выступаў на 76-й сесіі Генеральнай асамблеі ААН у Нью-Ёрку 21 верасня прэзідэнты Польшчы Анджэй Дуда, Літвы Гітанас Наўседа і Латвіі Эгілс Левітс усклалі адказнасць за сітуацыю з нелегальнымі мігрантамі на ўсходніх межах ЕЗ на ўлады Беларусі. Яны асудзілі практыку выкарыстання замежных грамадзян ва ўразлівым становішчы для правядзення «гібрыднай атакі» і заклікалі краіны ААН разам развязаць міграцыйныя праблемы.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».