У Берасці бальнічную сталовую перарабілі ў палату
3- 21.10.2021, 19:49
- 7,820
Свабодных ложкаў няма.
У Сеціве з'явілася фатаграфія, на якой відаць, што ў сталовай Берасцейскай гарадской цэнтральнай бальніцы паставілі ложкі для пацыентаў. Памочнік старшыні Берасцейскага аблвыканкама Яўген Віктаравіч пракаментаваў здымак.
У Сеціве з'явіўся здымак, на якім бачна, што памяшканне, на дзвярах якога вісіць таблічка «Сталовая», выкарыстоўваецца як палата. Там стаяць ложкі.
Карыстальнікі Facebook пацікавіліся, ці праўда гэта, што ў сталовай Берасцейскай гарадской бальніцы паставілі ложкі для пацыентаў.
Памочнік старшыні Берасцейскага аблвыканкама Яўген Віктаравіч адказаў, што «на раніцу ў УАЗ «Берасцейская цэнтральная гарадская бальніца» мелася 140 свабодных ложкаў. Цяпер хворыя харчуюцца ў палатах. І каб павялічыць рэзервовы ложкавы фонд, выкарыстоўваюцца ўсе наяўнае вольныя памяшканні, так гэтая бальніца цалкам перапрафіліраваная пад ковід, гэта лепш, чым ляжаць на калідорах».
Што датычыцца агульнага ложкавага фонду ў Берасцейскай вобласці, то, са слоў чыноўніка, яго дастаткова.