У Беларусі ад COVID-19 пачалі паміраць цяжарныя жанчыны

СМІ стала вядома пра некалькі выпадкаў.

Беларуска расказала пра смерць сваёй цяжарнай дачкі ад COVID-19 у адной з гомельскіх лякарняў. У яе засталося трое дзяцей.

«Дачка захварэла 23 верасня. Праз высокую тэмпературы і кашаль яна запісалася на прыём да тэрапеўта. У выніку яе адправілі на лісток непрацаздольнасці. Ад тэмпературы лекар выпісала ёй толькі парацэтамол, спасылаючыся на тое, што не ведае, чым лячыць цяжарных», - распавядае суразмоўца «Радыё Свабода».

25 верасня, кажа маці, жанчыне ўжо выклікалі хуткую. Аднак класці яе ў шпіталь лекары першапачаткова не хацелі. Са слоў суразмоўніцы, такую пастанову прынялі толькі пасля аналізу крыві, вынік якога пацвердзіў заражэнне каранавірусам.

«З той прычыны, што дачцэ было цяжка дыхаць, ёй падключылі кісларод, але з кожным днём яна адчувала сябе ўсё горш». Са слоў суразмоўніцы, з 25 да 29 верасня ейную дачку нічым не лячылі, толькі збівалі тэмпературу.

«Калі яна скардзілася, што задыхаецца, лекар казала ёй: «Ляжы больш на жываце» і гэта пры цяжарнасці на 24 тыдні!» - расказала жанчына.

29 верасня, са слоў маці, жанчыну адвезлі ў адзін са шпіталяў Гомеля і паклалі ў рэанімацыю.

«У яе было 40% паразы лёгкіх, кожны дзень ёй мянялі [кіслародныя] маскі, але адчувала яна сябе толькі горш. Па 10 гадзін ёй капалі кропельніцы. Якія менавіта? Ніхто не казаў. 8 кастрычніка яна раніцай даслала [нам] фатаграфію ў масцы і напісала: «апошні дзень». Што яна мела на ўвазе, я не ведаю», - успамінае маці жанчыны.

Яна сцвярджае, што ўвесь дзень тэлефанавала ў рэанімацыю, але ёй адказвалі, што ўсе лекары занятыя.

«Казалі: «тэлефануйце пазней». Я набірала праз кожную гадзіну. Калі вечарам урэшце датэлефанавалася, лекар мне сказаў, што дачка моцна нервавалася, зрывала маску. Таму ёй укалоў снатворнае, а маску знялі. Пасля гэтага ў яе здарыўся шырокі інсульт, яе падключылі да ШВЛ і 12 кастрычніка дачкі не стала».

Жанчына дадала, што, за некалькі дзён да смерці ейнай дачцэ рабілі паўторна кампутарную тамаграфію. На той момант, з ейных словах, у яе ўжо было 85% паразы лёгкіх.

«Калі мы забралі яе з морга, нам выдалі даведку пра смерць, у якой было напісана, што жанчына памерла на трэці дзень пасля родаў, са спадарожным каранавірусам, - кажа суразмоўца. - Можа, ёй рабілі кесарава сячэнне ці яшчэ што. Нам пра гэта не сказалі ні слова. Як жыць з тым, што здарылася я не ведаю. Дома ў дачкі засталося трое дзетак...»

Лекар-гінеколаг сталічнага шпіталю, які пажадаў застацца ананімным, кажа, што падчас хвалі штаму «Дэльта» хварэе шмат маладых - адпаведна, у тым ліку і цяжарных.

- У апошні час з'явіліся паведамленні пра смерць цяжарных у розных беларускіх шпіталях ад каранавіруса. Афіцыйнае пацвярджэнне не заўсёды магчыма атрымаць. Што вам вядома пра гэта?

- Мне вядома пра дзвюх жанчын, якія нядаўна памерлі пасля таго, як нарадзілі, маючы COVID-19. Адна ў 6-й ГКБ, другую перавялі з 6-й ГКБ ў МНПЦ, дзе яна неўзабаве памерла. Дзеці жывыя. Да таго ж цяпер у 6-й ГКБ ёсць яшчэ цяжкія цяжарныя жанчыны ў рэанімацыі.

- У Беларусі заўсёды медыцынскія чыноўнікі ганарыліся нізкімі паказчыкамі смяротнасці падчас родаў. Якая павінна быць рэакцыя на такія смерці на ўзроўні шпіталя, Міністэрства аховы здароўя?

- На жаль, гэтая статыстыка (аб нізкай мацярынскай і дзіцячай смяротнасці) таксама можа фальсіфікавацца. Рэакцыю прадказаць цяжка, бо ўлады занялі актыўную ковіддысідэнцкую пазіцыю, таму чарговага разносу не прадбачыцца. Хоць некалькі гадоў таму быў выпадак у 3-й ГКБ, калі пасля пасляродавай смерці жанчыны супрацоўнікаў дапытваў Следчы камітэт. Калі нічога супрацьзаконнага не знайшлі, былі ўжо масавыя допыты супрацоўнікаў у КДБ.

- Ці была інфармацыйная кампанія сярод цяжарных аб мерах засцярогі ад каранавіруса?

- Наколькі мне вядома, не. Вакцынацыю цяжарных ухвалілі зусім нядаўна. Кампанія вакцынацыі у нашай краіне, на маю думку, зазнала карах. Адсутнасць абмежавальных мер у краіне ніяк не спрыяе абароне цяжарных ад Ковіда.

- Ці рабіліся ў Беларусі прышчэпкі цяжарным? Ці ёсць нейкія лічбы пра гэта?

- Лічбаў няма, але дазволілі прышчапляць зусім нядаўна. Дагэтуль цяжарных афіцыйна прышчапляць было нельга.

- Як арганізм цяжарнай жанчыны рэагуе на каранавірус? Ці больш ён абаронены праз цяжарнасць цяжарнасці, або, наадварот, больш уразлівы?

- Цяжарныя ў 1-2 трыместры не моцна адрозніваюцца ў цячэнні Ковіда ад лёгкіх хворых.

У некаторых замежных публікацыях трэці трыместр прызнаецца фактарам рызыкі, асабліва пры наяўнасці іншых фактараў рызыкі. Асаблівасць цяперашняй хвалі - вялікая частата цяжкіх выпадкаў у маладых (адпаведна, у цяжарных таксама).

- Наколькі сітуацыя ў Беларусі з захворваннем цяжарных COVID-19 і смерцямі ад яго адпавядае сусветнай тэндэнцыі?

- О сусветнай сітуацыі: згодна з апублікаванымі звесткамі, пры шпіталізацыі цяжарных ў стацыянар з ковіднай інфекцыяй (гаворка аб шпіталізацыі цяжарнай у сувязі з цяжкім Ковідам) - смяротнасць дасягае 6,4 адсотка.

У іншым даследаванні прааналізаваны 230 выпадкаў COVID-19 у цяжарных, у выніку загінула 1 жанчына і 2 немаўляці (варта ўлічваць, што цяжкае цячэнне COVID-19 - істотны фактар рызыкі заўчасных родаў). З усіх жанчын толькі 5,2% мелі патрэбу ў ШВЛ.

Варта ўлічваць, што «Дэльта» можа працякаць цяжэй. Нашы рэаліі будуць відавочна не лепшыя за агульнасусветныя, але ў нас няма статыстыкі, а да таго, што публікуе нашае Міністэрства аховы здароўя, няма даверу.

- Ваша меркаванне з нагоды прышчэпак ад каранавіруса для цяжарных?

- Прышчапляцца, прышчапляцца і яшчэ раз прышчапляцца. Цяжарнасць - не падстава адкладаць вакцынацыю.