Латвія ўводзіць жорсткі локдаўн праз каранавірус
9- 19.10.2021, 9:46
- 6,552
Будзе дзейнічаць каменданцкая гадзіна.
Улады Латвіі ўвялі з 21 кастрычніка да 15 лістапада агульнанацыянальны карантын, паведамляе Delfi.lv.
З 20.00 да 5.00 будзе дзейнічаць каменданцкая гадзіна.
Восеньскія канікулы ў школьнікаў працягнулі на тыдзень. Пасля 1-га лістапада 1-3 класы будуць вучыцца ў школе, астатнія сыходзяць на дыстанцыйнае навучанне яшчэ на два тыдні.
Зачыняць усе крамы, акрамя тых, дзе прадаюць тавары першай неабходнасці.
Абмяжуюць выкананне паслуг (закрыюць цырульні, салоны прыгажосці і ўстановы харчавання).
Забароняць спартыўныя, забаўляльныя і культурныя мерапрыемствы (кіно, тэатр, канцэрты).
Увядуць ліміты на рух людзей з розных хатніх гаспадарак у адным аўтамабілі.
Латвія выйшла на першае месца ў свеце паводле тэмпаў захворвання на COVID-19.