У ЗША з возера і ракі дасталі 40 аўтамабіляў

Паліцыі трэба будзе разабрацца, як гэтыя аўтамабілі там апынуліся.

У амерыканскім горадзе Нашвілле (штат Тэнэсі) вадалазы-валанцёры на працягу тыдня займаліся ачысткай мясцовай ракі Камберленд і возера Персі-Прыст. За гэты час яны выявілі і паднялі на сушу больш за 40 розных аўтамабіляў, паведамляе Autoblog. Як туды патрапілі гэтыя машыны, не ўдакладняецца.

Сярод знойдзеных транспартных сродкаў аўтамабілі розных гадоў і марак. Паводле звестак выдання, вадалазам, напрыклад, удалося падняць са дна Ford Thunderbird дзевятага пакалення (выпускаўся ў 1983-1988 гадах), Jeep Wrangler YJ (выпуск мадэлі стартаваў у 1986-м, а скончыўся ў 1995 годзе), Pontiac LeMans (1962-1981 гадоў) і сучасны Ford Focus. Некаторыя аўтамабілі ў вельмі дрэнным стане і адразу не паддаюцца ідэнтыфікацыі. Як заявілі валанцёры, чалавечых целаў у машынах не выяўлена, але крымінальны след у некаторых выпадках выключаць пакуль рана.

Да расследавання ўжо падключылася мясцовая паліцыя. Вартавыя парадку ўважаюць, што некаторыя машыны былі сагнаныя, а пазней наўмысна патопленыя ў вадаёмах. Таксама не выключаецца, што некаторыя аўтамабілі наўмысна «ўтылізавалі» самі ўладальнікі з мэтай махлярства са страхоўкай.

Як распавёў мэр горада Нашвіл Джон Купер усе працы былі праведзены вадалазамі абсалютна бясплатна. Валанцёры з'яўляюцца сябрамі каманды Adventures with Purpose якая дапамагае знаходзіць зніклых без вестак людзей, а таксама зніклыя аўто і лодкі.