Да -9°С чакаецца ў Беларусі ў чацвер

Будзе воблачна з прасвятленнямі.

Да 9 градусаў марозу чакаецца ў Беларусі 28 студзеня, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У чацвер будзе воблачна з прасвятленнямі. У многіх раёнах пройдуць невялікія ападкі, удзень на ўсходзе часам будзе ісці снег, мокры снег. Месцамі чакаюцца слабыя туман і галалёд, на асобных адцінках дарог галалёдзіца. Вецер прагназуецца паўночна-заходні 4-9 м/с.

Тэмпература паветра ўначы складзе 1-7 градусаў марозу, пры прасвятленнях - да мінус 9. Удзень будзе ад мінус 4 да плюс 1 градуса.