Генпракуратура зняпраўдзіла затрыманне пракурора Віцебска

Ён звольнены.

Tut.by са спасылкай на свае крыніцы паведамляў пра затрыманне пракурора Віцебска - 48-гадовага Юрыя Раманоўскага. Атрымаць афіцыйныя каментары ў аніводнай сілавой структуры мы не змаглі - на нашы званкі не адказалі. Пазней Генпракуратура паведаміла, што ён звольнены, але не затрыманы.

На сайце пракуратуры Віцебска ў графе «пракурор» інфармацыя адсутнічае. Яшчэ ў пятніцу, 22 студзеня, там стаяла прозвішча Раманоўскага.

Журналісты спрабавалі атрымаць афіцыйны каментар прадстаўнікоў абласной пракуратуры, Генпракуратуры, УСК рэгіёну, КДБ. Звязацца ні з кім не ўдалося.

- Ён быў звольнены з органаў пракуратуры на мінулым тыдні, інфармацыя аб распачынанні ў дачыненні да яго крымінальнай справы не адпавядае рэчаіснасці, - заявілі ў Генпракуратуры.