У Адэскай вобласці павалілі помнік Леніну

Магчыма, гэта апошні помнік у гэтым украінскім рэгіёне.

У Адэскай вобласці Украіны невядомыя актывісты скінулі помнік Уладзіміру Леніну, ён, магчыма, быў астатні ў рэгіёне, піша «Новое время».

Пра гэта паведаміў актывіст Сяргей Стэрненка.

Помнік Леніну знаходзіўся ў вёсцы Старыя Траяны Ізмаільскага раёна.

«А пакуль мы спалі, нейкія невядомыя спадары зруйнавалі апошні ва Украіне (за выключэннем акупаваных тэрыторый і музеяў/заводаў) помнік чырвоным акупантам Леніну», - напісаў Стэрненка ў Facebook.

Акрамя таго, са слоў актывіста, невядомыя адбілі нос бюсту Карла Маркса ў сяле Холмскія Арцызскага раёна, хоць нямецкі філосаф не падпадае пад дэкамунізацыю.