Названая магчымая прычына катастрофы Boeing ў Інданэзіі
5- 10.01.2021, 19:03
- 35,287
Самалёт знік з радараў праз чатыры хвіліны пасля ўзлёту.
Пасажырскі Boeing 737-524, які разбіўся ў Інданэзіі, пры ўзлёце праходзіў праз навальнічны фронт і апынуўся ў зоне моцнай турбулентнасці.
Менавіта зона моцнай турбулентнасці магла стаць прычынай катастрофы самалёта, мяркуе спецыяліст Агенцтва метэаралогіі, клімату і геафізікі Дэні Сэптыадзі, паведамляе zn.ua са спасылкай на мясцовае выданне Detik.
У момант узлёту ў радыусе 15 кіламетраў была бачная воблачнасць, назіраліся моцныя ападкі і навальніцы. Усе самалёты, што праляталі гэты раён, павінны былі адчуваць турбулентнасць. Бачнасць жа ў той момант складала блізу двух кіламетраў, што не перашкаджала ўзлёту і пасадцы.
Самалёт інданэзійскай авіякампаніі Sriwijaya Air, які рухаўся з Джакарты ў Понтыанак, знік з радараў 9 студзеня, праз чатыры хвіліны пасля ўзлёту.
Пазней стала вядома, што самалёт упаў у ваду.
На борце былі 62 чалавекі, у тым ліку дзесяць дзяцей і шэсць сябраў экіпажа.