Літва дазволіла ўезд з гуманітарных меркаванняў 326 беларусам

26 чалавек папрасіла прытулак.

З гуманітарных прычын у Літву дазволена прыехаць 326 беларусам, прыбыло - 81, яшчэ 26 чалавек папрасілі прытулак.

Пра гэта паведамляе Delfi.

Урад Літвы прыняў выключэнні для парадку прыбыцця ў краіну грамадзян Беларусі з асаблівых гуманітарных прычын у сярэдзіне жніўня, калі беларускі рэжым пачаў жорстка душыць мірныя акцыі пратэсту.

Адразу ж пасля прэзідэнцкіх выбараў у Беларусі ў Літву прыбыла і былая кандыдатка апазіцыі Святлана Ціханоўская.

Беларусы, якія імкнуцца прыбыць у Літву з гуманітарных прычын, павінны звяртацца ў амбасаду Літвы ў Беларусі ў пытанні выдачы шэнгенскіх віз і падаць інфармацыю, якая пацвярджае гуманітарныя прычыны.