Купалаўскі тэатр падтрымаў сваіх пратэстоўных калегаў з Гародні
2- 28.09.2020, 14:24
- 12,273
Салідарнасць актораў у дзеянні.
Акторы Купалаўскага тэатра, якія пакінулі калектыў на знак пратэсту, падтрымалі сваіх калегаў з Гарадзенскага драмтэатра. Зварот з'явіўся на іх старонцы на YouTube.
– Артысты Гарадзенскага драматычнага тэатра сталі на абарону сваіх затрыманых калег, за што некаторыя з іх былі звольненыя альбо пазбаўленыя прэмій. Цяпер паўнавартасная работа тэатра спыненая.
Захапляемся вашай смеласцю, вашай непахіснасцю перад ціскам і несправядлівасцю. І сёння, нягледзячы ні на што, вы знайшлі сілы і магчымасць сустрэцца з гледачамі па-за межамі вашай роднай сцэны, каб сказаць праўду. Мы побач з вамі. Мы выдатна разумеем, як цяжка ў такія няпростыя часы даюцца ўчынкі і чаго каштуе пазіцыя праўды. Усё абавязкова будзе добра! Трымаймася разам! Мы верым у вашыя сілы, у перамогу справядлівасці! Нашыя словы падтрымкі і салідарнасці вам! Можаце спадзявацца на нашае крэпкае купалаўскае плячо. Купалаўцы побач!
Нагадаем, падчас пратэстаў быў затрыманы адзін з актораў Гарадзенскага драматычнага тэатра. Калі акторы даведаліся пра затрыманне калегі, яны спынілі спектакль.