Мінабароны Украіны назвала прычыну падзення ваеннага самалёта пад Харкавам
- 26.09.2020, 11:03
- 24,238
Стала вядома пра стан АН-26, на якім трэніраваліся курсанты.
У ваеннага самалёта АН-26 адмовіў датчык у рухавіку, у выніку чаго судна зачапілася за зямлю, упала і загарэлася.
Пра гэта на месцы здарэння паведаміў міністр абароны Украіны Андрэй Таран са спасылкай на каментар спецыялістаў, паведамляе unian.net.
Ён адзначыў, што ў ходзе трэніровак спачатку ўсё ішло паводле плану. Аднак у адно імгненне ўсё змянілася.
"Папярэдняя ацэнка спецыялістаў лётнай бяспекі: адбылася адмова нейкага датчыка ў левым рухавіку. Больш падрабязна зараз сказаць не можам. Паводле папярэдняй інфармацыі, рухавік не адмовіў. Нейкі датчык адмовіў. Паводле той інфармацыі, якая ў нас ёсць, у рухавіка яшчэ было больш за пяць тысячаў гадзінаў лётных да чарговага рамонту, то-бок прычынаў, што нешта здарылася з рухавіком, мы зараз назваць не можам", – сказаў міністр.
У той самы час Таран дадаў, што канчатковую прычыну высвятляць пасля расшыфроўкі «чорных скрыняў».
Паводле словаў кіраўніка абароннай установы, самалёту – 43 гады, аднак міністр упэўнены, што судна магло б лётаць яшчэ тры гады.
"Гэта значыць рэсурсу ў яго хапала, і ў рухавіка хапала рэсурсаў... Што менавіта здарылася, нейкая тэхнічная непаладка", – адказаў ён.
Таксама кіраўнік Мінабароны адзначыў, што 25 верасня самалёт здзейсніў шэсць шчасных узлётаў і пяць шчасных пасадак.
Аварыя Ан-26 у Чугуеве: што вядома 26 жніўня
Самалёт разбіўся пры заходзе на пасадку ноччу 25 верасня. Акрамя экіпажа, на борце самалёта знаходзіліся курсанты Харкаўскага ўніверсітэта Паветраных Сілаў УСУ.
Паводле абноўленай інфармацыі офіса генпракурора, у выніку аварыі загінулі 25 чалавек з 27, яшчэ дваіх шпіталізавалі.
Адной з магчымых прычынаў авіякатастрофы магла стаць памылка экіпажа.
Паводле факту падзення Офіс генпракурора пачаў крымінальную вытворчасць аб парушэнні правілаў палётаў і падрыхтоўкі да іх, якое вынікавала катастрофу і цяжкія наступствы.
Уладзімір Зяленскі заявіў, што тэрмінова выязджае сёння ў рэгіён.
У сувязі з жудаснай аварыяй у вобласці абвясцілі 26 верасня Днём жалобы.