Прэзідэнт Польшчы ў ААН казаў пра Беларусь
3- 24.09.2020, 11:04
- 24,039
Анджэй Дуда заклікаў сусветную супольнасць звярнуць увагу на сітуацыю ў нашай краіне.
Кіраўнік польскай дзяржавы Анджэй Дуда, выступіў у фармаце відэазвароту на 75-й сесіі Генеральнай асамблеі ААН, піша сайт naviny.by.
У сваёй прамове ён заклікаў калег сусветных лідараў разам патрабаваць ад уладаў Беларусі выканання правоў чалавека ў краіне, бо «пераследы палітычных апанентаў, масавыя затрыманні мірных пратэстоўцаў, выкарыстанне гвалту і катаванняў супраць іх недапушчальныя ў аніводнай дзяржаве».
Ён таксама падкрэсліў, што грамадзяне Беларусі «маюць права вызначаць для сябе палітычную будучыню суверэнным чынам і без вонкавага ўмяшальніцтва, без дамінавання іншых сталіц і з правам на свабодны ўдзел у міжнародным супрацоўніцтве ў адпаведнасці з іх нацыянальнымі інтарэсамі».