У Менску выкрылі фальсіфікатараў выбараў і запісалі іхнюю размову

Дзеянне адбываецца ў сталічнай гімназіі №39.

У сеціве з'явіўся 18-хвілінны аўдыязапіс, дзе зафіксавана «трэніроўка» падліку галасоў.

Фокус заключаецца ў тым, што чальцы камісіі павінны раскласці бюлетэні ў стосы і агучыць для пратакола патрэбныя вынікі. У адпаведнасці з лічбамі, якія да гэтага моманту «павінны ведаць на памяць» ці падгледзець у «шпаргалцы».

Мяркуючы з агучаных імёнаў, дзеянне адбываецца на ўчастку №48 у гімназіі №39 г. Менска.