26 кастрычнiка 2020, панядзелак, 21:01
Сім сім, Хартыя 97!
Рубрыкі

Хрысціяне Менска вышлі на хросны ход супраць гвалту

24
Хрысціяне Менска вышлі на хросны ход супраць гвалту
Фота: tut.by

На чале хроснага ходу ішлі трое семінарыстаў і дыякан архікатэдральнага касцёла.

Менчукі - хрысціяне розных канфесій выйшлі з хрэсным ходам супраць гвалту, што адбываецца ў Беларусі, піша сайт naviny.by.

Блізу 13:00 побач з архікатэдральным касцёлам Найсвяцейшай Панны Марыі сабралася амаль 70 чалавек - праваслаўныя з абразамі, каталікі з ружанцамі і пратэстанты з Бібліямі. З чытаннем «Ойча наш» яны прайшлі ад плошчы Свабоды да галоўнага праваслаўнага храму сталіцы - Свята-Духава сабора, дзе іх чакалі яшчэ прыкладна столькі ж чалавек.

На чале хроснага ходу ішлі трое семінарыстаў і дыякан архікатэдральнага касцёла Юрый Рэшатко. Яны паведамілі БелаПАН, што гэта малітоўная акцыя, яны вераць у тое, што з дапамогай малітвы можна спыніць гвалт, што адбываецца ў краіне.

У Свята-Духавым саборы цяпер ідзе служба за Беларусь. Частка ўдзельнікаў акцыі, не чакаючы групы, якая рухалася ад касцёла, сышла на малітву ў храм, астатнія моляцца звонку. У малітоўнай акцыі цяпер удзельнічае блізу 150 чалавек, іх колькасць расце.

Варта адзначыць, што Беларускі экзархат Расейскай праваслаўнай царквы (БПЦ) аператыўна адмежаваўся ад гэтай акцыі.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».