Пампэа абвясціў пра новыя санкцыі для кітайскіх чыноўнікаў

Абмежавальныя захады будуць прынятыя праз Тыбет.

ЗША ўвядуць візавыя абмежаванні для некаторых кітайскіх чыноўнікаў, бо Кітай перашкаджае паездкам у Тыбецкі аўтаномны раён і іншыя тыбецкія раёны амерыканскім дыпламатам, а таксама журналістам і турыстам з ЗША, заявіў дзяржсакратар Майк Пампэа, паведамляе «Голас Амерыкі».

«Сёння я абвяшчаю аб візавых абмежаваннях для чыноўнікаў ураду КНР і службовых асоб Камуністычнай партыі Кітая, якія ў значнай ступені ўдзельнічалі ў распрацоўцы або ажыццяўленні палітыкі, звязанай з доступам замежнікаў у тыбецкія раёны», - адзначыў Пампэа ў сваёй заяве.