Кошты ва Украіне аказаліся ўтрая ніжэйшыя за сусветныя
9- 6.07.2020, 21:20
- 27,684
Пра гэта сведчаць звесткі Сусветнага банка.
Узровень сярэдніх коштаў на прадукты, тавары і паслугі ва Украіне ў 2017 годзе складаў 33,4% ад сярэднесусветнага паказчыку. Пра гэта ў панядзелак, 6 ліпеня, паведаміла Дзяржаўная служба статыстыкі са спасылкай на звесткі Сусветнага банка, паведамляе korrespondent.net.
СБ у сваіх ацэнках выкарыстаў разлік валавага ўнутранага прадукту па парытэце пакупніцкай здольнасці.
Паводле разлікаў экспэртаў Сусветнага банка, сукупны аб'ём ВУП Украіны па ППЗ за 2017 год склаў $504,4 млрд, або 0,4% сусветнага ВУП.
У пераліку на аднаго чалавека ВУП Украіны па ППЗ склаў $11 871, ці 71,5% ад сярэднесусветнага ўзроўню.
Як паведамлялася раней, Кіеў у 2020 годзе быў на 106 месцы сярод 209 гарадоў свету па кошту жыцця. За год у рэйтынгу кошту жыцця ўкраінская сталіца паднялася адразу на 44 пункты, паводле падлікаў экспэртаў.