У маладой кітаянкі, якая прыляцела на радзіму з Менска, выявілі COVID-19

Дзяўчына вучыцца на падрыхтоўчым аддзяленні БДУ.

Кітайскія медыкі выявілі выпадак увозу каранавіруса новага тыпу з Беларусі, піша сайт naviny.by.

Як піша thepaper.cn, хваробу выявілі ў 18-гадовай кітаянкі па прозвішчы Чжан. Дзяўчына ў Менску вучыцца на падрыхтоўчым аддзяленні БДУ.

На радзіму яна вылецела 26 чэрвеня. На карантыне яна здала тэсты, якія 2 ліпеня далі станоўчы вынік.