1 кастрычнiка 2020, Чацвер, 3:27
Сім сім, Хартыя 97!
Рубрыкі

Група «Альфа» павінна неадкладна арыштаваць Лукашэнку

93
Група «Альфа» павінна неадкладна арыштаваць Лукашэнку

Ён з'яўляецца галоўнай пагрозай нацыянальнай бяспецы.

Каардынатар грамадзянскай кампаніі «Еўрапейская Беларусь» Зміцер Бандарэнка пракаментаваў для сайта Сharter97.org інфармацыю дзяржаўных СМІ аб затрыманні ў Беларусі баевікоў ПВК «Вагнера».

- Неабходна адзначыць, што ПВК «Вагнера» з'яўляецца адным з структурных падраздзяленняў спецназа Галоўнай выведвальнай управы Генштаба Узброеных сіл Расейскай Федэрацыі. Калі гэта праўда, як сцвярджаюць беларускія ўлады, і вялікая група ўзброеных людзей патрапіла на тэрыторыю Беларусі, то трэба ўдакладніць, якім чынам гэтыя дыверсанты апынуліся ў нашай краіне.

Калі яны былі дэсантаваныя, то трэба неадкладна арыштаваць кіраўніцтва СПА Беларусі, бо яны прамігалі гэты момант. Калі ж гэтыя людзі заехалі праз адкрытую мяжу паміж Беларуссю і Расейскай Федэрацыяй, то група «Альфа» павінна неадкладна арыштаваць дыктатара Лукашэнку. Мы выдатна ведаем, што менавіта ён калісьці выкопваў памежныя слупы на мяжы паміж Беларуссю і Расеяй. Нацыянальна-дэмакратычныя сілы неаднаразова яго папярэджвалі, што Расейская Федэрацыя, якая вельмі часта знаходзіцца ў стане вайны, з'яўляецца пагрозай і з гэтай краінай, як мінімум, павінна быць паўнавартасная мяжа. Людзі, напэўна, павінны ездзіць свабодна і без віз, але паўнавартасная мяжа павінна існаваць.

Лукашэнка, які трымае адкрытай мяжу з Расейскай Федэрацыяй, цалкам вінаваты ў тым, што гэтыя групы дыверсантаў уваходзяць на тэрыторыю нашай краіны. Хацелася б адзначыць, што мы чакаем рэакцыю беларускіх уладаў, бо наяўнасць гэтых людзей у Беларусі можна расцэньваць як акт міжнароднай агрэсіі супраць нашай краіны. Тут трэба або абвяшчаць вайну Расеі, ці разрываць дыпламатычныя стасункі. Таму назіраем за сітуацыяй. Як заўсёды гэтыя «пацукі» і «прарывы мяжы» з'яўляюцца, калі Лукашэнку трэба пераключыць увагу ад масавай фальсіфікацыі выбараў у нашай краіне.