Да +31 градуса будзе ў Беларусі 3 ліпеня
1- 2.07.2020, 19:45
- 13,144
На большай частцы тэрыторыі краіны пройдуць дажджы.
У пятніцу, 3 ліпеня, у Беларусі будзе воблачна з праясненнямі, паведамляе Белгідрамет.
На большай частцы тэрыторыі краіны пройдуць дажджы, у асобных раёнах паўднёва-ўсходняй паловы - моцныя дажджы з градам. На працягу дня таксама ў шматлікіх раёнах прагрымяць навальніцы.
Вецер чакаецца няўстойлівы слабы, пры навальніцах - парывісты.
Тэмпература паветра ўначы складзе +14... +20, удзень - +20... +31.