Апытанне: хто стане прэзідэнтам Польшчы?
7- 2.07.2020, 16:10
- 20,925
Палякі распавялі, за каго збіраюцца галасаваць у другім туры.
Шанцы Анджэя Дуды і Рафала Тшаскоўскага перамагчы ў другім туры прэзідэнцкіх выбараў у Польшчы амаль роўныя. Пра гэта сведчаць вынікі апошняга апытання, праведзенага сацагенцтвам Pollster для праграмы навін на тэлеканале TVP1, паведамляе «Польскае радыё».
Паводле вынікаў даследавання, у другім туры прэзідэнцкіх выбараў у Польшчы 51,14% выбаршчыкаў маюць намер галасаваць за дзейнага кіраўніка дзяржавы Анджэя Дуду, тады як за ягонага апанента - кандыдата ад «Грамадзянскай кааліцыі» Рафала Тшаскоўскага - свае галасы гатовыя аддаць 48,86% палякаў.
Паводле даследавання, прыход на выбарах складзе 66%. У апытанні, якое праводзілася 30 чэрвеня да 1 ліпеня метадам інтэрнэт-анкетавання, узялі ўдзел 1 018 чалавек.
Нагадаем, другі тур прэзідэнцкіх выбараў у Польшчы запланаваны на 12 ліпеня.