У Батсване знайшлі мёртвымі 350 сланоў, навукоўцы не выключаюць каранавірус
12- 2.07.2020, 11:09
- 35,424
Адбылося абсалютна беспрэцэдэнтная падзея.
З пачатку траўня ў дэльце Акаванга ў Батсване, размешчанай на поўдні Афрыкі, былі выяўленыя больш за 350 туш сланоў. Як адзначыў прадстаўнік мясцовага ўрада, ніхто не ведае прычыну гібелі жывёл, а вынікі лабараторных аналізаў стануць вядомыя праз некалькі тыдняў, піша ВВС.
У Батсване знаходзіцца каля траціны папуляцыі сланоў у Афрыцы, якая ўвесь час скарачаецца. Доктар Макан з брытанскай арганізацыі «Нацыянальны парк выратавання» распавёў, што мясцовыя абаронцы прыроды ўпершыню папярэдзілі ўрад аб гібелі жывёл у пачатку траўня, пасля таго як выявілі 169 туш сланоў ў дэльце Акаванга. Падчас далейшых пошукаў было знойдзена яшчэ блізу 200 туш жывёл. Са слоў Макана, гэта абсалютна беспрэцэдэнтная падзея.
Урад Батсваны выключыў браканьерства ў якасці прычыны гібелі жывёл, адзначыўшы, што іх біўні не былі выдаленыя. Экспэрты таксама выключылі натуральнае атручэнне сібірскай язвай. Ад гэтага ў мінулым годзе ў Батсване загінулі не менш за 100 сланоў.
Выказваецца меркаванне, што сланы маглі заразіцца каранавірусам SARS-CoV-2. Навукоўцы накіравалі ўзоры жывёл на тэставанне, каб высветліць, ці не быў каранавірус прычынай іх смерці. Вынікі чакаюцца найбліжэйшыя пару тыдняў.