5 жнiўня 2020, Серада, 8:04
Сім сім, Хартыя 97!
Рубрыкі

Уцякаць Сашу Таракану ўжо няма куды.

149
Уцякаць Сашу Таракану ўжо няма куды.
ФОТА: «ВІКІПЕДЫЯ»

У паніцы ён здзяйсняе ўчынкі, якія толькі пагаршаюць ягоную сітуацыю.

Расейскае выданне «Маскоўскі камсамолец» высветліла ў намеснік кіраўніка Інстытута краінаў СНД Уладзіміра Жарыхіна, чым для кіраўніка Беларусі Лукашэнкі, больш вядомага ў народзе пад імем Саша Таракан, можа скончыцца ўся гэтая гісторыя з выбарамі:

– На парадзе Перамогі ў Маскве Пуцін халодна паставіўся да Лукашэнкі, усяляк яго цураўся і гэтак далей. Цалкам відавочна, паміж імі не было пяшчотнага сяброўства. Пры гэтым Лукашэнка перажывае, што не зможа чарговы раз «пераабрацца». Упершыню ён адчуў, што можа страціць уладу, таму перыядычна здзяйсняе ўчынкі, якія толькі пагаршаюць ягоную сітуацыю.

Спачатку ён арыштаваў альтэрнатыўнага кандыдата ў прэзідэнты Віктара Бабарыку і ягонага сына, а заадно захапіў «Белгазпрамбанк» – дачку «Газпрама». Па-першае, гэта не спадабалася многім у Расеі. Па-другое, Захаду такі прыём таксама не спадабаўся. Атрымліваецца, што ўцякаць няма куды, усюды ім незадаволеныя. Але нічога іншага яму, мяркуючы з усяго, не заставалася. Хоць у Беларусі няма публічных сацапытанняў, унутраная аналітыка напэўна прысутнічае, і Лукашэнка ведае рэальную сітуацыю. Калі ён так нервуецца, значыць справы ягоныя дрэнныя.

Можна сабе ўявіць, наколькі дрэнная сітуацыя ў Лукашэнкі, калі ён не можа спадзявацца нават на фальсіфікацыю галасавання.