Святлана Ціханоўская скасавала пікеты ў абласных цэнтрах і Менску 12, 13 і 14 чэрвеня

Апублікавала відэазварот.

Святлана Ціханоўская абвясціла аб зняцці ўсіх сваіх пікетаў у абласных цэнтрах і сталіцы. Відэазварот апублікаваў тэлеграм-канал «Народны рэпарцёр».

Збіраць подпісы не будуць 12, 13 і 14 чэрвеня ў сувязі з магчымай падрыхтоўкай правакацый з боку спецслужбаў, а таксама значна ўзрослым ціскам і рэпрэсіямі ў дачыненні да чальцоў ініцыятыўнай групы. Зрэшты, прыпыненне не закране раённых цэнтраў і невялікіх гарадоў.