«Стоп прусак!»: У Лідзе ў падтрымку Ціханоўскай стала велізарная чарга
22- 30.05.2020, 12:44
- 51,660
(Абноўлена) Пікеты для збору подпісаў таксама праходзяць у Дзяржынску, Менску і Светлагорску.
Пікеты ў падтрымку Сяргея і Святланы Ціханоўскіх праходзяць у Дзяржынску, Лідзе, Менску, Светлагорску, паведамляе тэлеграм-канал «Баста!».
У Лідзе пікет для збору подпісаў за кандыдатку пратэсту Святлану Ціханоўскую праходзіць на праспекце Перамогі ў цэнтры горада.
Як паведаміў «Радыё Свабода» мясцовы актывіст Дзяніс Рудзевіч, яшчэ да пачатку пікету прыйшло блізу ста чалавек. Людзі прадаўжаюць прыходзіць і стаяць у велізарнай чарзе з захаваннем сацыяльнай дыстанцыі. Збор подпісаў будзе праходзіць з 12-й да 16-й.
Удзельнікі пікету паведамляюць, што ўжо сабралася больш за 700 чалавек. Учорашняя правакацыя ўладаў у Гародні толькі раззлавала людзей.
Пікеты для збору подпісаў таксама праходзяць у Дзяржынску, Менску, Берасці і Светлагорску.
29 траўня ў Гародні на пікеце для збору подпісаў у падтрымку кандыдаткі пратэсту Святланы Ціханоўскай затрымалі яе мужа і кіраўніка ініцыятыўнай групы блогера Сяргея Ціханоўскага.
Найлепшая падтрымка для арыштаванага ў Гародні блогера Youtube-канала «Краіна для Жыцця» Сяргея Ціханоўскага – прысутнасць на пікетах, якія праводзяцца па ўсёй краіне ў ягоную падтрымку.
Падрабязны расклад пікетаў у Менску і рэгіёнах Беларусі на 30 і 31 траўня глядзіце тут.
Сайт Charter97.org заклікае ўсіх выконваць захады сацыяльнай дыстанцыі.
Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.