Стала вядома, дзе знаходзіцца Сяргей Ціханоўскі
27- 30.05.2020, 10:26
- 70,311
Вызначанае таксама месцазнаходжанне затрыманага разам з народным блогерам каардынатара штаба Святланы Ціханоўскай.
Як стала вядома «Радыё Свабода», народны блогер Сяргей Ціханоўскі ў цяперашні час утрымліваецца ў ізалятары часовага ўтрымання Кастрычніцкага РАУС у Гародні.
Зміцер Фурманаў, каардынатар штаба Святланы Ціханоўскай у Гарадзенскай вобласці, таксама затрыманы і знаходзіцца ў тым самым ізалятары.
29 траўня ў Гародні на пікеце для збору подпісаў у падтрымку кандыдаткі пратэсту Святланы Ціханоўскай пасля спланаванай міліцэйскай правакацыі затрымалі яе мужа і кіраўніка ініцыятыўнай групы блогера Сяргея Ціханоўскага.