Жыхары Горадні патрабуюць неадкладнага вызвалення Сяргея Ціханоўскага
173- 29.05.2020, 20:26
- 170,425
(Абнаўляецца) Блогер быў затрыманы на пікеце збору подпісаў у Горадні.
У Горадні АМАП затрымаў блогера Youtube-канала «Краіна для Жыцця» Сяргея Ціханоўскага, паведамляе «Белсат».
Падчас пікету ў зборы подпісаў у Гародні каля Ціханоўскага з'явіліся жанчыны, якія правакавалі блогера і ўдзельнікаў пікету. Раптам побач упаў міліцыянт. Затым падбеглі іншыя міліцыянты і паспрабавалі затрымаць Ціханоўскага. Людзі ім перашкаджалі гэта зрабіць.
Відэа Тэлеграм-канала «Беларусь галаўнога мозгу»:
Блогер патлумачыў міліцыі, што гэта правакацыя, што ўдзельнікі пікету збору подпісаў нічога не зрабілі. Неўзабаве з'явіўся АМАП, які затрымаў блогера, на гэтым стрым Ціханоўскага абарваўся. Пасля арганізаванай уладамі правакацыі і затрымання Сяргея Ціханоўскага жыхары Горадні накіроўваюцца да РАУС, куды павезлі блогера.
ВІДЭА ТЭЛЕГРАМ-КАНАЛА NEXTA LIVE:
На відэа, якое вёў youtube канал «Краіна для жыцця» ў канцы сюжэту зафіксавана правакацыя супраць блогера Cергея Ціханоўскага і яго незаконнае затрымання супрацоўнікамі міліцыі.
«Радыё Свабода» працягвае весці стрым з Горадні, дзе сабраліся каля будынку РАУС.
Тэлеграм-канал «Баста» паведамляе, што разам з Сяргеем Ціханоўскім затрыманыя яшчэ як мінімум двое чалавек. Прыхільнікі блогера сабраліся каля УУС Гарадзенскага аблвыканкама ў адрасе вуліца Акадэмічная, 3.
Адзін з кіраўнікоў УУС Гарадзенскага аблвыканкама паабяцаў да 21.30 даць інфармацыю пра лёс Сяргея Ціханоўскага. Людзі прыбываюць да будынка аддзялення міліцыі.
Усяго на легальным перадвыбарным мітынгу ў Горадні сёння былі затрыманыя 10 чалавек. Усе яны пакуль застаюцца пад арыштам. Пра гэта паведамілі ўдзельнікі ініцыятыўнай групы Святланы Ціханоўскай.