У Беларускім марскім параходстве - адзін карабель
12- 27.05.2020, 19:54
- 31,025
Судна выходзіла ў мора толькі адзін раз.
Ужо паўтара дзясятка гадоў у Беларусі існуе марское параходства. Яно распараджаецца адным караблём, які называецца «Надзея». Судна выкарыстоўваецца для перавозкі грузаў ва Украіне, паведамляе euroradio.fm.
Нягледзячы на тое, што «Надзея» належыць марскому параходству, яна выходзіла ў моры толькі адзін раз - у 2019 годзе, калі ячмень з Таўрыйска трэба было перагрузіць на сухагруз, які стаяў на знешнім рэйдзе мікалаеўскага порта.
Беларускае марское параходства плануе развівацца. На 320 тысяч рублёў ад Мінтранса «Надзею» сёлета мадэрнізавалі: пашырылі грузавы трум, абсталявалі больш магутнымі сілавымі ўстаноўкамі.
«Спадзяемся, што, павялічыўшы хуткаходнасць і грузападымальнасць судна, сёлета зможам рэзка павялічыць аб'ём экспарту паслуг», - распавядае газеце «Беларусы і рынак» дырэктар Беларускага марскога параходства Андрэй Касьянюк. У 2019 годзе «Надзея» перавезла 10,2 тысяч тон розных грузаў, экспарт паслуг склаў больш як $80 тысяч.
У планах «Надзеі» - рэйсы паміж Мазыром і Кіевам. «Ніжэй Кіева пакуль не можам сысці, бо Канеўскі шлюз цяпер на рамонце, - працягвае Андрэй Касьянюк.