Знішчальнікі ЗША перахапілі два самалёты РФ непадалёк ад Аляскі
16- 10.04.2020, 16:57
- 17,903
У ЗША мяркуюць, што РФ выкарыстоўвае Іл-38 для высочвання амерыканскіх субмарын.
8 красавіка знішчальнікі ВПС ЗША F-22 перахапілі два расейскія самалёты Іл-38, паведаміла 9 красавіка ў Twitter камандаванне паветрана-касмічнай абароны Паўночнай Амерыкі (NORAD), піша gordonua.com.
У структуры адзначылі, што Іл-38 знаходзіліся ў апазнавальнай зоне супрацьпаветранай абароны Аляскі.
«Расейскія самалёты былі перахопленыя над Берынгавым морам, на поўнач ад Алеуцкіх выспаў, і не ўваходзілі ў паветраную прастору ЗША ці Канады», - сказана ў заяве.
F-22 fighters, supported by KC-135 Stratotanker and E-3 AWACS aircraft from the North American Aerospace Defense Command intercepted two Russian IL-38 aircraft entering the Alaskan Air Defense Identification Zone on April 8th, 2020.
— North American Aerospace Defense Command (@NORADCommand) April 9, 2020
Камандуючы NORAD генерал Тэрэнса О'Шонэсі паведаміў, што гэта не першы такі выпадак за апошні месяц.
«За апошні месяц было некалькі сітуацый, калі мы перахаплялі расейскія самалёты на падыходзе да нашых краін», - цытуе яго прэс-служба NORAD.
The Russian aircraft were intercepted in the Bering Sea, north of the Aleutian Islands, and did not enter United States or Canadian sovereign airspace.
— North American Aerospace Defense Command (@NORADCommand) April 9, 2020
У каментары Fox News О'Шонэсі сказаў, што расейскія самалёты ляцелі на адлегласці 50 міль (блізу 80 км) ад узбярэжжа Аляскі. «Яны хацелі праверыць, ці зможам мы адрэагаваць», - выказаў меркаванне генерал.
Іл-38 - выведвальны самалёт, які, на думку амерыканскага боку, РФ выкарыстоўвае для высочвання амерыканскіх субмарын лодак.
У NORAD паведамлялі, што з 2007 года, калі Расея аднавіла патруляванне межаў самалётамі далёкай авіяцыі, шэсць - сем разоў на год амерыканскія знішчальнікі вылятаюць для перахопу расейскіх самалётаў.