Новы «сюрпрыз» з тэхаглядам: што азначае QR-код для аўтамабіляў?
57- 29.02.2020, 14:38
- 63,592
Для кіроўцаў рыхтуюць нечаканы метад кантролю.
Дырэктар УП «Белтэхагляд» Юры Лянчэўскі распавёў, якія змены будуць пры праходжанні тэхагляду ў 2020 годзе. У тым ліку, якія могуць быць штрафы і пакаранні, паведамляе telegraf.by.
Па-першае, у Беларусі пачаўся працэс стварэння электронных пашпартоў аўтамабіляў. А пры праходжанні тэхагляду будуць выдавацца налепкі з QR-кодам.
«У звычайным QR-кодзе будзе «зашытая» інфармацыя пра пройдзены дзяржаўны тэхагляд. Прапановы ўжо накіраваныя ў Мінтранс. Звычайная налепка на шыбу аб праходжанні дзяржаўнага тэхагляду - учорашні дзень», - распавёў дырэктар «Белтэхагляда».
Па-другое, на сайце «Белтэхагляда» з'явіцца асабісты кабінет, дзе кожны кіроўца зможа паглядзець гісторыю аўтамабіля, аплаціць дзяржаўныя паслугі.
Пры гэтым Юры Лянчэўскі ўдакладніў, што на сённяшні дзень, з ягоных падлікаў, тэхагляд праходзяць не больш за 50% усіх аўтамабіляў у краіне.
«Разгляд пытання ў аддзяленні дзяржаўнага збору ад праходжання дзяржаўнага тэхагляду дапамагло б вярнуць аўтаўладальнікаў на станцыі дыягностыкі пры ажыццяўленні дзейснага кантролю з боку шэрагу дзяржорганаў», - заявіў кіраўнік УП «Белтэхагляд».
Юрый Лянчэўскі таксама распавёў, што прапануе арганізаваць аплату «дарожнага збору» ў электронным выглядзе з выдачай дазволу на паўгода альбо адзін год з абавязковай выплатай дзяржаўнага збору.
За нявыплату «дарожнага збору» дырэктар УП «Белтэхагляд» прапануе «спаганяць яго ў падвойнай суме без прыцягнення да адміністрацыйнай адказнасці».