Вызваленым з палону ўкраінцам падораць кватэры

Таксама кожны з іх атрымае кампенсацыю сумай $4 тысячы.

Упаўнаважаная Вярхоўнай Рады Украіны ў правах чалавека Людміла Дзянісава заявіла, што вядзе перамовы аб куплі кватэр для вызваленых 29 снежня 2019 года з палону ў АРДЛА ўкраінцаў, піша unian.net.

«У інфармацыйнай прасторы з'яўляюцца паведамленні пра тое, што нібыта лёсам вызваленых 29 снежня 2019 года з палону грамадзян Украіны ніхто не займаецца. Яшчэ раз хачу падкрэсліць, што сакратарыятам упаўнаважанага была праведзена старанная праца для збору інфармацыі аб неадкладных патрэбах і сацыяльным забеспячэнні», - падкрэсліла яна.

Са слоў Дзянісавай, цяпер вызваленыя асобы, якія маюць патрэбу ў аднаўленні дакументаў, якія пацвярджаюць асобу і грамадзянства, іх атрымалі.

«Пры маім прыянні Служба занятасці правяла для гэтых грамадзян працу для пошуку вакансій, якія прадугледжваюць выдачу жылля. Большасць на гэтыя прапановы пагадзілася. У той жа час 12 чалавек з ліку вызваленых дагэтуль не вызначыліся з месцам працы і пражывання», - адзначыла амбудсмэнка.

Таксама, са слоў Дзянісавай, Офіс прэзідэнта праводзіць перамовы аб куплі кватэр для вызваленых грамадзян, бо ёсць значная патрэба ў іх колькасці. «Пакуль ідзе гэты працэс, нашы грамадзяне забяспечаны часовым жыллём, а некаторыя выказалі жаданне пражываць у сваіх родных і блізкіх», - паведаміла упаўнаважаны ВР у правах чалавека.

Яна адзначыла таксама, што 27 лютага адбудзецца пасяджэнне міжведамаснай камісіі для разгляду пытанняў, звязаных з прызнаннем асоб такімі, якія былі пазбаўленыя волі ў выніку ўзброенай агрэсіі супраць Украіны, і ажыццяўленнем мерапрыемстваў, накіраваных на іх сацыяльную абарону, на якім будуць разгледжаны пытанні і прынята пастанова аб выплаце грашовай кампенсацыі сумай 100 тысяч грыўняў ($4000).

«Што да стану здароўя магу ўпэўнена сказаць, што ўсім вызваленым надалі высокакваліфікаваную медыцынскую дапамогу, у тым ліку, і стаматалагічную. Акрамя таго, 11 чалавек заканчваюць курс рэабілітацыі ва Украінскім дзяржаўным медыка-сацыяльным цэнтры ветэранаў вайны «Цыблі». Прашу не распаўсюджваць неправераную і недакладную інфармацыю пра стан сацыяльнага забеспячэння вызваленых грамадзян Украіны, бо ўсе працэсы, звязаныя з хутчэйшым вяртаннем іх да мірнага жыцця, патрабуюць пэўнага часу. Лёс кожнага з іх знаходзіцца на маім асабістым кантролі», - рэзюмавала Дзянісава.