Сума ўкладаў у «Белгазпрамбанку» зменшылася на 36,5%

Банкам па-ранейшаму кіруе часовая адміністрацыя на чале з Надзеяй Ермаковай.

«Белгазпрамбанк» даў справаздачу за тры кварталы 2020 года. Крэдытны партфель зменшыўся на 12% (прыкладна да 2,4 млрд рублёў), а сума ўкладаў - да 1,97 млрд (мінус 36,5% да 2019 года), піша office life.

Кліенты забралі з банка звыш за 1,1 млрд рублёў. Актывы знізіліся з прыкладна 4,97 млрд да 4,14 млрд.

Адток сродкаў кліентаў назіраўся і раней. Са звестак за першае паўгоддзе, сродкі кліентаў банка да 30 чэрвеня зменшыліся на 27%, да 2,193 рублёў.

Банкам па-ранейшаму кіруе часовая адміністрацыя на чале з Надзеяй Ермаковай. Яна была ўведзеная на фоне крымінальных спраў у дачыненні да экс-кіраўніка банка Віктара Бабарыкі, намеснікаў старшынь управы і іншых асоб.

Ермакова заяўляла, што «Газпрам» і Газпрамбанк (уласнікі банка) не ідуць на кантакт з часовай адміністрацыяй. Таксама за Ермаковай у банку быў скандал з ускрыццём каморак кліентаў.