СБУ затрымала шпіёна «ЛНР», які пяць гадоў хаваўся ад следства

Шпіён спрабаваў патрапіць ва Украіну «паводле пасведчання кіроўцы».

У Луганскай вобласці затрымалі шпіёна прарасейскай тэрарыстычнай арганізацыі «ЛНР».

Як распавялі ў Службе бяспекі Украіны вясной 2014 года жыхар Севераданецка далучыўся да акупацыйных сіл РФ і збіраў інфармацыю аб перамяшчэнні ўкраінскіх вайскоўцаў, якія былі задзейнічаныя ў АТА.

Таксама паведамляецца, што да сваёй шпіёнскай дзейнасці ён прыцягнуў яшчэ двух чалавек.

Сабраныя звесткі зламыснік перадаваў сваім куратарам, якія выкарыстоўвалі іх для падрыхтоўкі дыверсій.

У дачыненні да супольніка акупантаў была распачатая крымінальная вытворчасць паводле ч. 1 арт. 258-3 КК Украіны (ад 8 да 15 гадоў), аднак ён збег у Расею і больш за пяць гадоў хаваўся ад следства.

Затрымалі шпіёна на памежным пункце пропуску Танюшаўка, праз які ён спрабаваў трапіць ва Украіну «паводле свайго пасведчання кіроўцы».