Працоўны ў масцы апавёў усю праўду пра прафесію токара буйнога завода

Што яго хвалюе і чаму ён надзеў маску?

Новы герой рубрыкі «Без твару» на сайце onliner.by – токар буйнога завода і ўладальнік 1000 рублёў за месяц. Гэта значыць, самы звычайны чалавек. Што яго радуе і чаму ён надзеў маску? Вось ролік і галоўныя цытаты з яго.

Скардзіцца складана, але настрою і аптымізму няма. Чаму? Таму што да цябе ставяцца як да шрубкі старога станка. У цябе свае мэты, у кіраўніцтва – свае.

Цяпер кіраўніцтва захапілася эканоміяй. Нашу эфектыўнасць павышаюць частымі праверкамі і пазбаўленнем прэміі. Мабільны тэлефон? Мінус. Беспарадак у тумбачцы? Мінус. Прылада не на месцы – мінус.

Лепш бы інструментам забяспечылі. Мне, токару, даюць аркуш паперы з эскізам (не магу назваць гэта чарцяжом) і памеры. Любы брак за твой кошт. Лаўлю сотыя долі міліметра на станках, якiм паўстагоддзя, потым высвятляецца, што дарма.

Сітуацыя мяняецца так хутка, што не паспяваеш у нешта паверыць. Летась мы маглі працаваць у паўтары змены, цяпер зноў пра чатырохдзёнку кажуць і будучыя скарачэнні.