Аляксандр Швец: Якія дэкрэты не прыдумляй, нічога не памяняецца

У бізнэсоўцаў няма даверу да ўладаў.

- Пакуль не стануць роўнымі ўмовы гаспадарання арганізацый розных формаў уласнасці, то якія дэкрэты не прыдумляй, істотна становішча бізнэсу не зменіцца, - заявіў у каментары «Ежедневнику» старшыня рэспубліканскага саюза прамыслоўцаў і прадпрымальнікаў (РСПП) і Рэспубліканскага грамадскага аб'яднання «Беларуская навукова-прамысловая асацыяцыя» (БНПА) Аляксандр Швец.

- Паколькі нас у краіне ў эканоміцы дамінуе дзяржсектар, то менавіта яго праблемы дзяржава як уласнік і як рэгулятар развязвае перш за ўсё. Таму прыватнікам натуральна дастаецца менш увагі.

Усе разумеюць надмернасць долі дзяржсектара, недастатковы ўзровень яго эфектыўнасці, што дэ-факта каманды кіраўнікоў дзяржсектара саступяць камандам кіраўнікоў не менш маштабных кампаній прыватнага сектара.

І калі дзяржава вымушана аплачваць як уласнік выдаткі, страты дзяржкампаній нашымі падатковымі грашыма з бюджэту, то прыватнік аплачвае свае выдаткі сам і не робіць дадатковы ціск на бюджэт. І мы гаворым пра гэта ўжо гадамі, але ўвесь час працягваем наступаць на тыя ж граблі.

- Болевых месцаў у бізнэсу па-ранейшаму нямала…

– Розніца ў стаўленні да дзяржсектару і прыватніка працягвае захоўвацца. Гэта інстытуцыянальная праблема беларускай дзяржавы. Пакуль мы не выраўняем стаўленне дзяржавы як рэгулятара да дзяржаўных і прыватных кампаній, а таксама не будзем ацэньваць іх працу толькі па эфектыўнасці іх бізнэсу (прыбытак, падаткі), па ўкладу ў эканоміку, па ўдзелу ў пытаннях занятасці, то якія дэкрэты не прыдумляй, нічога істотна не зменіцца. Патрэбныя роўныя канкурэнтныя ўмовы.

Таму, на жаль, пакуль і няма належнага ўзроўню даверу бізнэсоўцаў да тых ці іншых перспектыў або «паляпшэнняў» з боку дзяржавы.