Узурпатар разумее толькі сілу
8- Максім Вінярскі
- 10.01.2020, 13:17
- 33,592
Няма іншага шляху, акрамя як пакараць зло.
Пра гэта ў «Фэйсбуку» напісаў каардынатар грамадзянскай кампаніі «Еўрапейская Беларусь» Максім Вінярскі:
«115 гадоў таму вінтоўкі, шаблі і нагайкі сталі адказам на петыцыю працоўных да “добрага цара”.
Але зладжаная царскімі сатрапамі бойня не дасягнула сваёй мэты. Крывавая нядзеля, замест таго каб зламаць дух супраціву, – паклала пачатак “першай расейскай рэвалюцыі”.
Здавалася б, урок выйшаў больш чым наглядным, але і сёння сустракаюцца наіўныя ці проста подлыя людзі, хто спадзяецца на “мірную дамову” з тым ці іншым самадзержцам-дыктатарам. Якія не жадаюць прызнаваць, што ўзурпатар разумее толькі сілу.
Што няма іншага шляху, акрамя як пакараць зло, даць яму адпор. Любы іншы шлях толькі зробіць цябе суўдзельнікам вытвараных злачынстваў».