У Беларусі значна падаражэюць аўто?

Як адрэагуе рынак на новаўвядзенні 1 студзеня ў суседняй краіне.

З першага студзеня ўвайшла ў дзеянне пастанова ўрада РФ аб павелічэнні стаўкі ўтылізацыйнага збору, пішуць naviny.by.

Як сказана ў дакуменце, больш за ўсё павялічыцца збор з легкавікоў (110,7%).

Таксама варта звярнуць увагу на магутнасць матора: для аўто з аб'ёмам рухавіка менш за адзін літр збор павялічыцца на 46,1%, а для аўто з аб'ёмам ад 3,5 літра - 145%.

Удзельнікі расейскага аўтарынку адзначаюць, што будуць вымушаныя падвысіць адпускныя кошты.

Нагадаем, за студзень-верасень 2019 года на тэрыторыю Беларусі з Расеі было завезена 58,3 тысяч легкавых аўтамабіляў.