Навукоўцы апавялі, як лепш за ўсё паркаваць машыну
5- 21.09.2019, 11:16
- 18,304
Аналіз быў праведзены на падставе самых папулярных стратэгій кіроўцаў.
Амерыканскія матэматыкі правялі даследаванне і высветлілі, што найлепшае месца для паркоўкі – гэта тое, якое памяншае час, праведзены кіроўцам на стаянцы. Пра гэта паведамляе Naked Science са спасылкай на даследаванне.
Згодна з навукоўцам, эфектыўны кіроўца павінен заўсёды імкнуцца скараціць час, выдаткаваны на кіраванне і хаду па паркоўцы, а таму ён павінен паркавацца на выездзе з паркоўкі.
Навукоўцы разгледзелі мадэль, у якой ёсць толькі адзін уезд і адзін выезд, што знаходзяцца па процілеглым адзін ад аднаго баках.
На думку матэматыкаў, "разумныя" кіроўцы праязджаюць міма першага вольнага месца і займаюць месца бліжэйшае да выезду. Гэта дазваляе ім выдаткаваць мінімальную колькасць часу. Навукоўцы адзначаюць, што гэта працуе толькі ў тым выпадку, калі кіроўцу не давядзецца тройчы аб’ехаць паркоўку, каб знайсці "ідэальнае" месца.