Медыкі назвалі танную крыніцу карысных амега-3 кіслот
12- 20.09.2019, 15:45
- 28,100
Кіслаты групы амега-3 патрэбныя для здароўя мозгу, зроку, а таксама для здаровай скуры і валасоў.
Поліненасычаныя тлустыя кіслоты групы амега-3, якія ўважаюцца за вельмі важныя рэчывы для чалавечага арганізма, утрымліваюцца ў асноўным у марской рыбе, якая па кішэні далёка не кожнаму ўкраінцу. Плюс, у рыбе ўсё часцей выяўляюцца небяспечныя таксіны - напрыклад, ртуць. Што ж рабіць? Навукоўцы кажуць, што перспектыўнай крыніцай амега-3 з'яўляецца багавінне, паведамляе lenta.ua.
Кіслаты групы амега-3 патрэбныя для здароўя мозгу, зроку, а таксама для здаровай скуры і валасоў. Людзі прывыклі атрымліваць амега-3 ненасычаныя тлустыя кіслоты з тлустай марской рыбы, якая ў сучасным свеце ўсё часцей утрымлівае прымешкі ртуці і іншых таксічных рэчываў.
Навукоўцы кажуць, што адной з нядрэнных крыніц амега-3 з'яўляецца багавінне, багатае, акрамя таго, антыаксідантамі, супрацьзапаленчымі рэчывамі, караціноідамі, рознымі мікраэлементамі і вітамінамі. Уласна, менавіта з ужываннем багавіння рыба пачынае ўтрымліваць кіслоты групы амега-3, за якія мы яе цэнім.
Багавінне, пры гэтым, назапашвае ў сабе значна менш таксічных рэчываў, чым рыба, так што есці яго нашмат менш небяспечна. Цяпер, са слоў экспэртаў, вядзецца распрацоўка капсул з карыснымі экстрактамі марскіх водарасцяў.