Памёр дыктатар Туніса Зін аль-Абідзін Бэн Алі
18- 19.09.2019, 18:30
- 16,369
З яго зрынання пачалася «арабская вясна».
Другі кіраўнік Туніса Зін аль-Абідзін Бэн Алі памёр у выгнанні ў Саудаўскай Арабіі. Першым пра гэта паведаміла Туніскае радыё Mosaique FM. Адвакат Бэн Алі пацвердзіў гэтую інфармацыю Associated Press.
Бэн Алі памёр ва ўзросце 83 гадоў у горадзе Джыда. Ягонае цела павінны перадаць у Меку ў чаканні пастановы ягонай сям'і аб пахаванні.
Зін аль-Абідзін Бэн Алі быў кіраўніком Туніса ў 1987-2011 гадах. Ён збег з Туніса ў Саудаўскую Арабію ў студзені 2011 года пасля пачатку хваляванняў у краіне. Са зрынання Бэн Алі пачалася «арабская вясна» - хваля пратэстаў і паўстанняў у краінах Блізкага Усходу і Паўночнай Афрыкі.
У ліпені 2019 года памёр першы свабодна абраны прэзідэнт Туніса Бэджы Каід Эс-Сэбсі.