Замежнікаў вызваляць ад дзяржпадатку за пропуск у памежную зону
4- 19.09.2019, 18:27
- 10,920
Гэта значна спросціць парадак знаходжання замежнікаў у памежнай зоне.
19 верасня Аляксандр Лукашэнка падпісаў указ №351 «Аб знаходжанні на памежнай тэрыторыі», паведамляе БелТА.
Паводле гэтага ўказу, замежныя грамадзяне і асобы без грамадзянства, якія ўвесь час пражываюць за межамі Беларусі, не павінны будуць плаціць дзяржаўны падатак за выдачу пропуску на ўезд (уваход), часовае знаходжанне і перамяшчэнне ў памежнай зоне. Гэта значна спросціць парадак знаходжання замежнікаў у памежнай зоне, створыць дадатковыя ўмовы для ўключэння размешчаных у ёй зямель і аб'ектаў у гаспадарчае абарачэнне, павысіць прывабнасць турыстычных аб'ектаў.
Паведамляецца, што новы ўказ не паўплывае на паўсядзённае жыццё законапаслухмяных грамадзян.