Дзярждэпартамент ЗША раскрыў дэталі новых санкцый супраць РФ за атручэнне Скрыпалёў

Была пагроза тысячам жыццяў.

Дзярждэпартамент ЗША раскрыў дэталі другога пакета санкцый, уведзеных супраць Расеі ў сувязі з інцыдэнтам у Солсберы ў сакавіку мінулага года, піша сайт newsader.com.

«Сёння, у адпаведнасці з Законам аб кантролі над хімічнай і біялагічнай зброяй 1991 года (CBW Act), Злучаныя Штаты абвяшчаюць аб другім этапе санкцый у дачыненні да Расеі за ўжыванне нервова-паралітычнага рэчывы «Навічок» пры спробе забіць Сяргея Скрыпаля і ягоную дачку Юлію Скрыпаль у Злучаным Каралеўстве 4 сакавіка 2018 года. Гэты акт паставіў пад пагрозу тысячы жыццяў у Солсберы і Эймсберы і прывёў да шпіталізацыі Скрыпалёў, брытанскага афіцэра паліцыі, а таксама двух грамадзянскіх, адзін з якіх пасля памёр ад кантакту з субстанцыяй», – гаворыцца ў Твітэры амерыканскай установы.

Згодна з афіцыйным дакументам, новы этап абмежаванняў уключае ў сябе наступныя пункты.

Па-першае, з гэтага часу ЗША будуць перашкаджаць выдачы ўсіх тыпаў крэдыту, фінансавай і тэхнічнай дапамогі ў рамках міжнародных фінансавых інстытутаў, такіх як Сусветны банк і Міжнародны валютны фонд.

Па-другое, амерыканскім банкам будзе забаронена ўдзельнічаць у першасным продажы суверэннай запазычанасці не ў рублях і выдаваць нерублёвыя крэдыты расейскаму ўраду.

Па-трэцяе, правілы ліцэнзавання экспарту ў Расею амерыканскіх тавараў і тэхналогій будуць больш жорсткімі.

Нюанс

Новыя экспартныя захады, згодна з дакументам, уводзяцца ў дачыненні да тавараў і тэхналогій, якія кантралююцца Міністэрствам гандлю ў рамках барацьбы з распаўсюджваннем хімічнай і біялагічнай зброі. Ліцэнзіі на продаж такіх тавараў дзяржаўным ці фінансаваным дзяржавай суб'ектам у Расеі будуць падлягаць палітыцы «прэзумпцыі адмовы». Аб наступных артыкулах экспарту пастановы будуць прымацца індывідуальна ў кожным канкрэтным выпадку:

- экспарт, неабходны для правядзення касмічных палётаў;

- экспарт, неабходны для гарантавання бяспекі эксплуатацыі камерцыйнай пасажырскай авіяцыі;

- экспарт, прызначаны для грамадзянскіх канчатковых карыстальнікаў;

- экспарт для 100% амерыканскіх «дачок» і іншых замежных кампаній у Расеі.

У каментары другога пункта РБК назвала гэтую сітуацыю «частковымі санкцыямі супраць суверэннай запазычанасці Расеі». «Амерыканскія банкі больш не змогуць купляць валютныя еўрааблігацыі ўрада Расеі на першасных прапановах,...аднак амерыканскім інвестарам нішто не перашкодзіць купіць расейскія еўрабонды пасля пачатку іх абарачэння на рынку» – гаворыцца ў публікацыі. Выданне мяркуе, што амерыканскія банкі могуць цалкам пакінуць гэты рынак», каб пазбегнуць рэпутацыйнай і санкцыйнай рызыкі». Паводле звестак Банка міжнародных разлікаў (BIS), амерыканскім банкам на канец сакавіка 2019 года належалі абавязанні «афіцыйнага сектара» Расеі на 3,32 мільярда даляраў. «Тлумачэння наконт таго, колькі з гэтых абавязацельстваў намінаваныя ў замежных валютах, BIS не дае», – піша РБК.

«Магутны міжнародны адказ»

Як і ў выпадку з першым санкцыйным раундам, цяперашнія захады ўваходзяць у дзеянне праз пятнаццаць дзён пасля паведамлення Кангрэса і будуць выконвацца цягам як мінімум 12 месяцаў, гаворыцца ў публікацыі.

Са слоў прэс-сакратара Дзярждэпартамента Хізэр Ноерт, гаворка ідзе аб сітуацыі, у якой Расея «ўжыла хімічную зброю ў парушэнне міжнароднага права...супраць уласных грамадзян».

Брытанскі ўрад вітаў гэты крок з боку Вашынгтона.

«Магутны міжнародны адказ на ўжыванне хімічнай зброі на вуліцах Солсберы пасылае Расеі недвухсэнсоўны сігнал аб тым, што яе правакацыйныя і безразважныя паводзіны не застануцца беспакаранымі», – гаворыцца ў заяве МЗС Злучанага Каралеўства.

«Абуральнае выкарыстанне хімічнай зброі ў Еўропе»

Напярэдадні чыноўнік амерыканскай адміністрацыі заявіў, што прычына ўвядзення новых санкцый - адмова Масквы гарантаваць невыкарыстанне хімічнай і біялагічнай зброі, адпаведнае патрабаванне Вашынгтон выставіў, калі прымаў першы пакет санкцый у жніўні 2018 года. Паводле ультыматуму, Масква павінна была адмовіцца ад хімічнай зброі і дапусціць міжнародных экспэртаў ААН на свае хімічныя аб'екты. Адпаведнае патрабаванні і санкцыі прадугледжаныя законам 1991 года аб кантролі за хімічнай і біялагічнай зброяй. Да нядаўняга часу адзінымі краінамі, супраць якіх Вашынгтон ужываў гэты закон, былі Сірыя і КНДР.

Захады, прынятыя ў рамках першага этапу санкцый паводле справы Скрыпалёў, прадугледжвалі забарону на продаж зброі, фінансаванне зброевых угод, экспарт тавараў і тэхналогій двайнога прызначэння, паставак лазернага абсталявання, спецыялізаваных тэхналогій здабычы нафты і газу, а таксама меркавалі адмову ад крэдытавання з боку дзяржаўных структур ЗША.

Захады, прынятыя ў рамках першага раунда санкцый паводле справы Скрыпалёў, прадугледжвалі забарону на продаж зброі, фінансаванне зброевых угод, экспарт тавараў і тэхналогій двайнога прызначэння, паставак лазернага абсталявання, спецыялізаваных тэхналогій здабычы нафты і газу, а таксама меркавалі адмову ад крэдытавання з боку дзяржаўных структур ЗША.

Паводле звестак Politico, Трамп не спяшаўся ўводзіць цяперашні пакет захадаў, аднак вымушаны быў зрабіць гэта пад ціскам дзвюхпартыйнага кансенсусу ў Кангрэсе. У пачатку гэтага тыдня лідары камітэта ў замежных справах Палаты прадстаўнікоў дэмакрат Эліёт Энгель і рэспубліканец Майкл МакКол накіравалі ў Белы дом ліст, у якім нагадалі, што, згодна з законам, другі раунд санкцый неабходна было ўжыць цягам трох месяцаў пасля інцыдэнту, аднак, нагадалі яны, «пасля нападу прайшло больш за год». «Таму мы настойліва заклікаем вас ужыць неадкладныя захады для прыцягнення Расеі да адказнасці за абуральнае выкарыстанне хімічнай зброі ў Еўропе», – гаварылася ў звароце да Трампа. Аўтары прызыву папярэдзілі, што «няздольнасць адміністрацыі адрэагаваць на адкрытую агрэсію Расеі недапушчальная і запатрабуе ад Кангрэса карэкцыі дзеянняў».

Як адзначае NYT, санкцыі былі ўведзеныя ў чацвер - на наступны дзень пасля тэлефоннай размовы Трампа з Пуціным. «Гэта была кароткая, але добрая размова», – заявіў амерыканскі лідар. Паводле звестак Белага дома, бакі абмеркавалі пытанні стратэгічнай ракетнай дамовы. У Крамлі паведамілі аб тым, што прэзідэнт ЗША прапанаваў Пуціну дапамогу ў тушэнні лясных пажараў.

Перадгісторыя

Дзярждэпартамент супольна з Міністэрствам фінансаў ЗША падрыхтавалі дакумент аб другім пакеце санкцый яшчэ ў канцы сакавіка. З тых часоў ён чакаў подпісу прэзідэнта.

Захады, прынятыя ў рамках першага раунда санкцый паводле справы Скрыпалёў, прадугледжвалі забарону на продаж зброі, фінансаванне зброевых угод, экспарт тавараў і тэхналогій двайнога прызначэння, паставак лазернага абсталявання, спецыялізаваных тэхналогій здабычы нафты і газу, а таксама меркавалі адмову ад крэдытавання з боку дзяржаўных структур ЗША.

Другі санкцыйны пакет планавалася ўвесці яшчэ ў лістападзе 2018 года. Гэты пакет, як паведамлялася, павінен быў уключаць зніжэнне ўзроўню дыпламатычных стасункаў, забарону авіякампаніям лётаць у ЗША і скарачэнне да мінімуму ўзаемнага гандлю. Як сцвярджалася, гаворка можа ісці аб фактычным расейска-амерыканскім гандлёвым эмбарга, якое ўключае забарону на пастаўкі амерыканскіх авіяцыйных турбін у Расею. У Трампа была магчымасць выбраць канкрэтныя захады сярод розных варыянтаў, і ён спыніўся на абмежаваннях фінансавага характару.

Паводле звестак Bloomberg, увядзенне другога пакета захадаў паводле «справы Скрипалёў» было адкладзенае да заканчэння расследавання спецпракурора ЗША Роберта Мюлера аб умяшанні Расеі ў выбары і меркаванай змовы Трампа з Крамлём.

Сяргей Скрыпаль і ягоная дачка Юлія былі атручаныя 4 сакавіка з дапамогай вырабленай у расейскай лабараторыі нервова-паралітычнай атруты «Навічок» (А-234) у ангельскім горадзе Солсберы. Паводле звестак брытанскіх уладаў, непасрэдны замах учынілі два агенты расейскай вайсковай выведкі пад псеўданімамі «Аляксандр Пятроў» і «Руслан Башыраў». Пуцін назваў іх «грамадзянскімі асобамі», якія, з ягоных слоў, вядомыя расейскім уладам. Самі яны называлі сябе «турыстамі». На знак пратэсту супраць здарэння ў Солсберы блізу 30 краін выслалі больш за 150 расейскіх дыпламатаў. ЗША і Еўразвяз увялі персанальныя санкцыі супраць прадстаўнікоў расейскай выведкі, датычнай, паводле звестак заходніх спецслужбаў, да інцыдэнту ў Солсберы.

У выніку ўжывання «Навічка» ў Солсберы, акрамя Скрыпалёў, сур'ёзна пацярпеў мясцовы жыхар Чарлі Роўлі, які дагэтуль скардзіцца на дрэннае здароўе. Ягоная сяброўка Дон Стэрджэс памерла ад кантакту з «Навічком». Лондан абвінаваціў Маскву ў хімічнай атацы супраць Вялікай Брытаніі і забойстве яе грамадзяніна.

Расейскія ўлады неаднаразова адмаўлялі адпаведныя абвінавачванні.