Кіраўнік МЗС Ірана прыбыў на саміт G7
- 25.08.2019, 19:21
- 12,896
Джавад Зарыф прыбыў у нядзелю ў французскі горад Біярыц.
Кіраўнік Міністэрства замежных спраў Ірана Джавад Зарыф прыбыў у нядзелю ў французскі горад Біярыц, дзе праходзіць саміт краін "Вялікай сямёркі". Пра гэта паведамляе Associated Press.
Cа звестак СМІ, Зарыф праводзіць сустрэчу з французскім калегам Жан-Івам Ле Дрыянам. Пакуль невядома, ці будзе ён сустракацца з прэзідэнтам Францыі Эмануэлем Макронам.
Прадстаўнік Елісейскага палаца паведаміў, што Зарыф прыбыў у Біярыц на запрашэнне Ле Дрыяна "для абмеркавання нядаўніх ініцыятыў прэзідэнтаў Ірана і Францыі".
Як вядома, саміт дзяржаў "Вялікай сямёркі" адкрыўся 24 жніўня ў французскім горадзе Біярыц. Саміт з удзелам лідараў Вялікабрытаніі, Італіі, Канады, Нямеччыны, ЗША, Францыі і Японіі будзе доўжыцца да 26 жніўня. Сярод тэм для абмеркавання будуць стасункі з РФ, сітуацыя ў Іране, пратэсты ў Ганконгу, сірыйскі канфлікт і эскалацыя паміж Індыяй і Пакістанам праз Кашмір.