У Магілёве правялі пікет супраць «закона аб адтэрміноўцы»

Пікет правялі на гарадскім стадыёне.

У Магілёве сёння прайшоў пікет супраць закона аб скасаванні адтэрміновак. У ім узялі ўдзел двое хлопцаў - студэнт мясцовага каледжа і працаўнік аднаго з прадпрыемстваў. Пікет правялі на гарадскім стадыёне па вуліцы Чалюскінцаў, ён быў узгоднены з гарадскімі ўладамі, піша tut.by.

Спачатку на пікет прыйшоў Аляксей Майсееў - 19-гадовы студэнт Магілёўскага дзяржаўнага эканамічнага прафесійна-тэхнічнага каледжа. Хлопец распавёў, што выступае супраць закона аб адтэрміноўцы. Праз паўтара года Аляксей заканчвае навучанне ў каледжы. Яму давядзецца адслужыць у войску, перад тым як паступіць у ВНУ.

Для правядзення пікета Аляксей уклаў дагаворы з медыкамі, міліцыяй і камунальнікамі, аплаціў іх паслугі.

Пазней да хлопца далучыўся ягоны знаёмец - таксама Аляксей, работнік аднаго з прадпрыемстваў Магілёва. Яго закон аб адтэрміноўцы не закране, тым не менш ён надумаў прыняць удзел у пікеце.

Нагадаем, 24 жнiўня пікет супраць закона аб скасаванні адтэрміновак прайшоў у Менску. Узгоднены з уладамі пікет прайшоў ля ўваходу ў парк Дружбы народаў (плошча Бангалор), у адным з месцаў, адведзеных для правядзення мерапрыемстваў паводле паведамляльнага прынцыпу. На месцы прысутнічалі супрацоўнікі міліцыі ў цывільным адзення і медыкі.

Закон «Аб змяненні законаў у пытаннях эфектыўнага функцыянавання вайсковай арганізацыі дзяржавы» быў падпісаны Аляксандрам Лукашэнкам 24 ліпеня. Дакумент прадугледжвае адтэрміноўку ад набору на тэрміновую вайсковую службу для атрымання агульнай сярэдняй адукацыі, а таксама аднаразовай адтэрміноўкі для атрымання першай адукацыі, які дазваляе атрымаць спецыяльнасць або прафесію. Такім чынам, выпускнікі навучальных устаноў прафесійна-тэхнічнага профілю да навучання ў ВНУ і выпускнікі ВНУ - бакалаўры да навучання ў магістратуры або аспірантуры павінны будуць адслужыць у войску.