На Глыбоцкім малочнакансервавым камбінаце спее бунт
33- 19.08.2019, 16:11
- 55,337
Замест грошай прадпрыемства хоча разлічыцца з працаўнікамі бракаванай прадукцыяй.
Пра гэта паведамляе Telegram-канал папулярнага беларускага блогера NEXTA.
- Другі тыдзень у нас прадаўжаецца канфлікт з кіраўніцтвам, - пішуць работнікі камбіната. - Усіх прымушаюць у добраахвотна-прымусовым парадку ў кошт заробку браць бракаваную прадукцыю - стэрылізаванае малако і смятану, непрыдатныя для ўжывання і продажу. За іх выпуск не панеслі пакарання ні галоўны тэхнолаг, ні начальнік кансервавага цэха - усё вызначылі кампенсаваць з кішэні рабочых.
Начальства проста заяўляе: «Мы вас не можам прымусіць, але мы не ведаем, як далей працаваць з тымі, хто не пагодзіцца». А зарабляюць 800 работнікаў камбіната агулам па 400 рублёў, з якіх яшчэ трэба сабраць дзяцей у школу, аплаціць камунальныя паслугі, набыць прадукты... Але нас хочуць прымусіць узяць у кошт заробку яшчэ на 15 рублёў непрыдатнай смятаны і на столькі ж - стэрылізаванага малака. Усяго будуць вылічваць па 30 рублёў на месяц да студзеня, - піша Telegram-канал NEXTA.
Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.