Выкладчыкі Ганконга выйшлі на акцыю ў падтрымку студэнтаў- мітынгоўцаў
1- 17.08.2019, 13:02
- 7,236
Педагогі выйшлі на шэсце ў цэнтр горада.
У Ганконгу праходзіць дэманстрацыя, у якой бяруць удзел тысячы настаўнікаў, выкладчыкаў і навуковых супрацоўнікаў, паведамляе The Insider cо спасылкай на Associated Press.
Настаўнікі выйшлі на шэсце ў цэнтры горада і накіраваліся да рэзідэнцыі кіраўніцы мясцовай адміністрацыі Кэры Лам.
Такім чынам выкладчыкі навучальных устаноў Ганконга выказваюць салідарнасцьса студэнтамі, якія выходзяць на акцыі пратэсту. Удзельнікі акцыі заклікаюць улады і паліцыю Ганконга перастаць выкарыстоўваць слёзацечны газ, каб разганяць дэманстрацыі.
Пратэсты ў Ганконгу доўжацца ўжо больш за 2 месяцы. Яны пачаліся ў першай палове чэрвеня ў адказ на планы мясцовай адміністрацыі ўнесці папраўкі ў закон аб экстрадыцыі, якія дазволілі б выдачу падазраваных ва ўчыненні злачынстваў у мацерыковую частку Кітая. Пасля таго, як улады Ганконга адмовіліся ад унясення паправак, дэманстранты пачалі патрабаваць расследавання выкарыстання паліцыяй супраць удзельнікаў пратэстаў празмерна жорсткіх метадаў, а таксама адстаўкі кіраўніцы адміністрацыі Ганконга Кэры Лэм.