Пад Белаазёрскам у ДПТ трапіў «Мэрсэдэс», у які напхалася 10 чалавек

Загінулі трое дзяцей і двое дарослых.

Смяротнае ДТЗ адбылося недалёка ад Белазёрска ў раёне Бярозаўскай ЦЭЦ, паведамілі ў МУС. Папярэдне вядома, што кіроўца аўтамабіля «Мерседеc GL» не справіўся з кіраваннем і перакуліўся ў меліярацыйны канал.

Загінулі на месцы пяцёра - трое дзяцей і двое дарослых (мужчына і жанчына). Пры гэтым, у аўтамабілі знаходзіліся 10 чалавек! Як стала вядома, гэта 5 мужчын, 2 жанчыны і трое малалетніх дзяцей.

Пяцёра дарослых выбраліся самастойна з канала, у тым ліку кіроўца. Першапачатковае паведамлялася, што загінулі двое дзяцей і вядуцца пошукі трэцяга.

Потым з'явілася удакладненая інфармацыя: загінулі 4-гадовая дзяўчынка, 9-гадовы хлопчык, пазней было знойдзена цела 9-гадовай дзяўчынкі.

Таксама стала вядома, што 31-гадовы кіроўца быў п'яны. Ён ужо быў пазбаўлены права кіравання транспартным сродкам за «кіраванне ў нецвярозым стане» ў 2009 годзе.

На месцы здарэння працуюць супрацоўнікі дзяржаўтаінспекцыі, выратавальнікі, выбыла следча-аператыўная група МУС.