Фотафакт: У Менску ў тэхнічным вадаёме плаваў лось
7- 24.07.2019, 18:02
- 12,256
Лася заўважылі ў Шабанах.
Раніцай 24 ліпеня менчукі заўважылі незвычайнага плыўца ў тэхнічным вадаёме на вуліцы Інжынернай у Менску. Над вадой заўважылі галаву маладога лася.
Адзін з чытачоў tut.by, які працуе непадалёк, удакладніў: жывёліну ў вадаёме прамысловай зоны ён заўважыў прыкладна а 10.30. Гэта цалкам абгароджаная тэрыторыя, і дагэтуль няясна, як рагаты пераскочыў праз сеткаватую агароджу.
«У вадаёме плавала ласяня, пры мне хвілін 15 было ў заплыве», - кажа сведка.
Неўзабаве на месца прыехалі супрацоўнікі МНС і яшчэ нейкія людзі (напэўна, ветэрынары), у жывёліну стрэлілі сонным сродкам і звезлі.