Парламент Гішпаніі адмовіўся пераабраць Санчэса на пасаду прэм'ера

Кандыдатуру Санчэса падтрымалі 124 парламентарыя, 170 прагаласавалі супраць, 52 устрымаліся.

Пэдра Санчэс, кіраўнік гішпанскай сацыялістычнай рабочай партыі (ГСРП), якая перамагла на вясновых датэрміновых парламенцкіх выбарах, у першым туры не змог набраць неабходную колькасць галасоў дэпутатаў для перавыбрання на пасаду прэм'ер-міністра. Пра гэта піша РБК са спасылкай на El Pais.

Кандыдатуру Санчэса падтрымалі 124 парламентарыя, 170 прагаласавалі супраць, 52 устрымаліся. Яшчэ чацвёра не прысутнічалі на галасаванні (усяго ў парламенце 350 месцаў). Пры гэтым для перамогі ў першым туры з дзейным в.а. прэм'ера неабходна было набраць абсалютную большасць галасоў - 176. У другім туры, які адбудзецца ў чацвер, 25 ліпеня, Санчэсу будзе дастаткова адноснай большасці.

Калі яго не абяруць і ў другі раз, то ў дэпутатаў будзе два месяцы, каб дамовіцца аб кандыдатуры кіраўніка ўрада. У адваротным выпадку парламент распусцяць, і ўвосень адбудуцца пазачарговыя выбары.

На красавіцкіх выбарах ГСРП Санчэса выйграла выбары ў парламент, атрымаўшы 123 месцы з 350. Мяркуецца, што кіруючая кааліцыя ў выпадку перамогі Санчэса будзе сфарміраваная з левай партыяй Podemos і іншымі сацыялістамі.